Aksara Bali (ra)

Aksara Ra

           

       Ra inggih punika warga aksara murdhanya, sane kawangun antuk aksara konsonan retrofleks utawi konsonan narik-ungkur. Ra kaucapang "r" ring kruna : "raba" (basa Indonesia), ratha (basa Sanskerta), raris (basa Bali), rob (basa Inggris). Ring kajian fonologi, bunyi /r/ mewasta aksara getar rongga-untu, ngasilang getaran layah ring langit-langit cangkem paek ring untu (alveolair). Duaning asapunika, yening selehin ring fonologi, Ra punika marupa konsonan rongga-untu (alveolar), nenten retrofleks. Wiadin asapunika selehin antuk tradisional, Ra punika wenang aksara ring  wargamurdhanya (konsonan retrofleks). Kawigunan aksara Ra pateh tekening nganggen aksara Ra (Dewanagari: र) ring abjad basa Sanskerta. Ring sajeroning nyurat nganggen aksara Bali, Ra kaanggen ring kruna- kruna sane masuara  /r/, ring basa Bali, lan basa non-Bali. Ra nenten kasarengin olih pangangge suara, Ra dibaca "ra" (lafal: /rə/).

 Ra nenten wenang kapepetin, yening jagi nyurat kruna sane masuara /rə/. Nyurat kruna sane masuara /rə/, minakadi "rebut", wenang nganggen  Ra repa. Puniki sampun keni uger-uger pasang pageh rikalaning nyurat aksara Bali ring suara /rə/ sane kawastanin vokal, nenten suara konsonan.

Cakra utawi Guwung (lafal: /gʊwoŋ/) inggih punika pangangge (pinaka lambang) dalam aksara Jawa utawi Bali, sane pinaka lambing aksara suara /r/. Guwung utawi Cakra kawastanin  pasangan/gantungan aksara Ra. Guwung utawi Cakra inggih punika kelompok aksara ardhasuara, utawi semi vokal. Guwung utawi Cakra kasurat ring beten aksara, nika kawastanin gantungan aksara.

Kawigunan           :

 Guwung kaanggen ring sajeroning kruna sane mapola KKV (konsonan + konsonan + vokal) atau KKKV (konsonan + konsonan + konsonan + vokal). Conto kruna sane mapola KKV inggih punika : "dra", "pri", "tra",lan sane lianan. Soroh kruna sane mapola  KKKV minakadi : "stra", "ntra", "ndra", lan sane lianan malih. Yening kruna-kruna punika kasurat uli aksara latin ka aksara Bali, dadosnya aksara Latin R kagentosin antuk Guwung.

 Ring aksara Bali, guwung utawi cakra nenten wenang kasurat sane kedampingin olih aksara pepet. Soroh ring kruna inggih punika "Krêsna" dan "Trêsna" (ê kabaca mirib ring aksara e ring kruna "kemana", "kenapa"). Mangda  guwung lan pepet nenten kasurat maderek / berdampingan, patut nyane nganggen  guung macelek (lafal: /gʊ-woːŋ/ /mə-cə-lək/). Guung macelek punika pinaka gantungan aksara Ra repa.

 Surang inggih punika silih sinunggil pepalihan ring pengangge tengenan lian ring adeg-adeg , lan cecek miwah bisah. 

KAPUSTAKAAN

Mertha, Made. 1988. Kajian Ejaan Aksara Bali. Denpasar : Universitas Udayana

Tinggen, I Nengah. 1993. Pedoman Perubahan Ejaan Bahasa Bali dengan Huruf Latin dan Huruf Bali. Singaraja: UD. Rikha.

Tinggen, I Nengah. 1993. Celah- Celah Kunci Pasang Aksara Bali. Singaraja: Indra Jaya

Tinggen, I Nengah. 1993. Sejarah Perkembangan Aksara Bali. Singaraja: Indra Jaya

Surada, I Made. 2007. Kamus Sanskerta-Indonesia. Surabaya: Penerbit Paramitha.

 http://id.wikipedia.org/wiki/Ra_(aksara_Bali)